KYA TITLE DU...... SHABD NAHI HAIN...... MISS U VIKAS.......

Har sunday ki tarah aaj ka sunday bhi main khushi-khushi free mood se spend karna bhi chahti thi. Subah der se uthi aur dopahar tak apna sab kaam khatam kar k dadi k ghar aa gayi. Apne chhote bhai k saath saanp-seedi ka kheel khelte hue apne bachpan k dino ko fir se jee rahi thi. Achaanak mera phone vibrate hua....... maine haste hue phone ko dekha..... usme mere mitra ka message tha.... maine message khola....... message ko padh k mere paaon tale zameen khisak gayi, main kuch bhi bolne ki stithi mein nahi thi...... uss message mein mere mitr vikas parihar k nidhan ka samaachar tha. Maine turant apne aur mitron ko iss baat ki suchna di..... kisi ko bhi vishwaas nahi ho raha tha. Main to bass butt ban k palang k ek kone mein baith gayi...... meri aankhon mein aansun the. Mann-mastishk mein bass vikas aur uski baatein hi ghum rahi hain..... mujhe to abhi bhi yakeen nahi ho raha hai. Abhi bhi yaad hai main jab vikas se pehli baar bhopal mein sfm ki training mein mili thi...... uski green colour ki shirt aur blue colour ka cap dekh kar pehle to hansi aayi lekin baad mein uski shabdon ki pakad aur behad acche lekhan ki to main kaayal ho gayi thi. Uski baaton ko main bade hi dhyaan se sunti thi kyuki uski har baat thos aur sabuton k saath rehti thi. Main ghanton uske saath baatein karti rehti thi....... aaj agar mein itne confidence se likh paati hu to wo vikash ki hi wajah se..... usne hi mujhe meri lekhan pritibha ka ehsaas dilaya..... mujhe lekhan ki baareekiyan samjhaiyin..... aur haan sabse badi baat zindagi ki baareekiyan samjhaayin.

Main usse humesha kehti thi "tere rehne se sfm ki fizaaon mein intellectuality ki hawa behti hai"....... lekin aaj to mujhe mujh tak pahuchne waale hawa k har jhonke mein intellectuality ki khushboo aa rahi hai........ main abhi chatt par baithi hu akeli..... lekin khayal abhi bhi vikas ka aa raha hai...... iss waqt ka akele saamna kar pana bahut mushkil lag raha hai....... aisa lag raha hai jaise vikas abhi mere saamne khada hai aur humesha ki tarah meri aankhon mein aankhein daal kar mujhe har mushkil ka saamna karne ko keh raha hai.

Na jaane kyu bhagwaan har acche insaan ko apne paas jaldi bula leta hai........

MERA YE BLOG "AASHAYEIN" VIKAS K NAAM..... JISNE MUJHE LIKHNA SIKHAYA.

u can find vikas parihar's writings at
www.swasamvad.blogspot.com